Hvernig utsolur.is virkar

Hvernig við finnum útsölur og tilboð

Við lesum verð og fyrra verð beint úr gögnum verslananna, fylgjumst með verðinu yfir tíma og reiknum afsláttinn af því. Algengasta brellan í útsöluauglýsingum er uppblásið „áður“-verð sem aldrei var í gildi. Þess vegna berum við fyrra verðið saman við það sem varan kostaði í raun síðustu 30 dagana áður en hún lækkaði, og verðlækkun telst staðfest þegar hún stenst þann samanburð.

Hvað merkin þýða

• Útsala — verslunin kallar verðlækkunina sjálf útsölu, á vörunum eða á forsíðunni sinni, og hún nær til margra vara.
• Tilboð — allar aðrar verðlækkanir, hvort sem þær ná til einnar vöru eða margra. Við köllum ekkert útsölu sem verslunin kallar það ekki sjálf.
• Lagerhreinsun — verslunin hefur sjálf merkt vörur sem lagerhreinsun eða lagersölu, og verðið hefur lækkað.
• Útsölumarkaður — varanleg útsöludeild (outlet) frekar en tímabundin útsala.
• Auglýstur afsláttur — verslunin auglýsir afslátt á vefnum sínum, eða skráði hann hjá okkur, en við sjáum hann ekki í verðunum.

Uppfært daglega

Listinn uppfærist sjálfkrafa nokkrum sinnum á sólarhring. Hver verslun birtist þegar hún lækkar verð og dettur út þegar afslættinum lýkur — engin gömul tilboð, bara það sem er í gangi. Á hverri verslunarsíðu sést hvenær hún var síðast staðfest.

Hvar finnurðu hvað

• Forsíðan — nýjustu útsölurnar og tilboðin, mesti afslátturinn og ein hilla fyrir hvern flokk.
• Allar verslanir — öll verslanaskráin, nýjast efst, með síum eftir flokki og merki (útsala, tilboð, lagerhreinsun…).
• Tilboð í dag — einstakar vörur á lækkuðu verði, mesti afslátturinn efst.
• Vöruvakt — vaktaðu vörutegund og fáðu póst þegar ný tilboð á henni birtast.

Röðun og auglýsingar

Röðunin er sjálfvirk, byggð á verðgögnunum og eins fyrir alla. Greiðsla er aldrei þáttur í henni. Þar sem hilla eða listi segir ekki annað, t.d. „Nýbyrjað“, gildir þetta:

• Verslanir raðast eftir stærð verðlækkunarinnar. Mest vægi hefur hve margar vörur eru lækkaðar, en líka hvort lækkunin sé staðfest, hve stór hluti úrvalsins er lækkaður og hve mikill afslátturinn er. Hvort hún heitir útsala eða tilboð skiptir ekki máli.
• Vörur raðast eftir afslætti, mesti afslátturinn efst.
• Heitast núna sýnir verslanir sem fá flestar heimsóknir þessa dagana.
• Í leitinni ræður mestu hve vel niðurstaðan passar við það sem þú leitaðir að, og svo stærð verðlækkunarinnar eða afslátturinn.

Á Allar verslanir eru nýjustu útsölurnar og tilboðin efst, og á listasíðunum geturðu valið aðra röð, t.d. flestar lækkaðar vörur, mesta sparnað eða lægsta verð.

Verslanir geta keypt auglýsingar á vefnum. Þær eru alltaf merktar „Auglýsing“, birtast í eigin reitum og breyta hvorki röðun listanna né merkjum verslananna. Nánar í skilmálum auglýsenda.